طرق البناء الاقتصادى لتقليل التكلفه

كتبهاTaha gado ، في 17 مارس 2008 الساعة: 01:59 ص

بلكات واجهات ديكور توفر المحاره الخارجيه و الداخليه

بلوكات أسمنتية مفرغة ديكورية ملساء السطح

و بذلك يتم توفير فى تكلفه المحارة

ده موقع الشركه فيه صور البلوك

http://www.isoblockswiss.bizland.com/id2.html

*********

2 - بلكات لصب الاعمده

مقاس الاعمده  25*40
البلكات تكون مقاس الاعمده
 بعد ما يتحط حديد الاعمده يتم بناء البلكات
 ثم يتم الصب للاعمده

***********

اسقف جاهزه سمكها بسيط 5سم بها فل واعصاب

فل ابيض وفيه حديد  يوضع علي شده الكمر 

 وبعدين يتم صب مابين الفل الابيض في الاعصاب

ولكن ده محتاج اوناش لانه عباره عن

 سقف عرضه1.2م بطول 7متر مثلا

 وهو عرض البيت
 ممكن يزيد العرض بس بيزيد التسليح والسمك

وعموما ابني بيتك مش هيزيد عن 7م عرضه
هو بيتحط لوح جنب لوح لغايه ما يكمل السقف
وممكن يتعمل اقل بحيث يبقي مظبوط مع طول البيت
وده ممكن لو شركه حتاخد البيوت كلها وربح بسيط

 ومعاها معدات  وسرعه فى الوقت 
يعني احنا هنا في الشركه اللي باشتغل فيها لما بنعمل مصنع

 علي بال ما نصب الاساسات بيكون كل الاسقف والاعمده اتصبت مسبقا وتيجي تتركب فى يوم واحد العمدان والاسقف

وبتكون ناعمه وتدهن بس

******************

اعصاب سابقه الصب وبينها طوب هوردي للسقف

دي طريقه  بنستخدمها في ايطاليا لتوفر 60% من خشب السقف
والاعصاب دي عباره عن كمر صغير مصبوب علي ارض ناعمه ومقاسات السقف ويصب فقط 2سم

 وبعد ما يجف ممكن رفعه ووضعه علي السقف

 وبينهم بلكات هوردي
وده بيحتاج تحته  لوح خشب فقط يسند الاعصاب

 وتحت اللوح جاكات حديد تضع كل متر
يعني لو اوضه 4*4م محتاجه 4 الواح و 16جاك 

 بدل هيصه الخشب

***********

ماكينه هليكوبتر لتسويه صبة السقف مباشره تسوي وتلمع الخرسانه

 بعد اضافه رمل كوارتز و اكسيد الوان 

بعد الصب للسقف وهو طري يتم رش مخلوط من الاسمنت والكوارتز وهو رمل ابيض او حبوب طحن رخام

ويضاف له لون اكسيد وترش علي الخرسانه وهي طريه

 وبمجرد ما تنشف شويه بعد ساعه لو الجو كويس

يتم تشغيل المكنه
 ارضيه موقف اتوبيس مطار القاهره  معموله بالطريقه دي
بس عملاها شركه تركيه تقريبا
انا سالت واحد قريبي قاللي ان فيه شركات بتعمل الارضيات دي

 في المدارس الامريكيه بيعملوها بالوان ورسومات جميله

هيا عامله زى الماكينه اللى بتجلى الرخام و تلمعه

و السلالم الموزايكو  تقريبا وفيه كذا نوع حسب التكلفه
والارضيات دي بتتعمل في ايطاليا في الجرجات لتقليل تكلفه البلاط
بس عاوزه ضبط كويس علي الميزان للصبه تبقي زي ارضيه الرخام وممكن بعد كده تتفرش موكيت

وتصبح الخرسانه افضل من البلاط
وبذلك نوفر البلاط والسراميك للارضيه حوالي 3000ج للدور

*********

اهم شئ الهيكل الخرساني نشوف رسومات الوزاره 

 لان مهندسي الحكومه بيحطوا كميات كتير من الحديد والاسمنت

   لانهم بيخافوا من المقاولين اللي بياخدو مونه واجره

 يسرقو الحديد والاسمنت
 يعني شركه تاخد المساكن مناقصه وبيدوها لمقاول اصغر ومقاول تاني ياخدها يعطيها لاخر 

وعلشان يكسب اخر مقاول لازم يقلل الخامات

 يعني بيحطوا 350كجم حديد في المتر المكعب 

 انا عملت شغل في مصر ب250كجم في المتر للاسقف

وهو من 82 وكان في برج 16دور علي النيل
بس الاساسات والاعمده ممكن 300كجم في المتر
 والحديد السقف والكمر كفايه 50-60كجم والاعمده
والقواعد 60-70ك

يعنى المفروض نتفق مع المقاول على الاجره فقط
اى المصنعيه بس و احنا علينا المونه

*************

انا عملت حسبه للاساسات حوالي 9م مكعب خرسانه

باسعار حديد 5000ج واسمنت400ج يبقي 9م حديد الاساسات

 و 9*متوسط 60ك =540ك

والاسمنت9م*6ش=54ش يعني حوالي 2.5طن اسمنت
وحوالي نص طن حديد دي الاساس بس قواعد وسملات

*************
لو مهندس انشائي يحسب الحديد والخرسانه

حيحسب لك اقل من كده شويه لكن للامان واحتمال البيت يعلي

 نزود شويه في الاساس والاعمده

و الاعمده لو كل عمود20*50سم وارتفاع 3متر يبقي 30سم مكعب في 12عمود يبقي 4م مكعب  حديد 420كجم

واسمنت24ش اي طن وربع

السقف 3 طن اسمنت
 الحديد 540 الاساسات + 420للاعمده +800كج حديد للسقف

  اجمالى الحديد للدور الارضى حوالي 2 طن

والاسمنت حوالي 6.5طن غير المصنعيه

******************
 فيه طرق كتير للتوفير بس المهم نعرف التصميم

علشان نعرف كميات الخرسانه ونقارن بين كل الطرق

وايهم اوفر وافضل
منهم طريقه القبب للسقف ودي موفره لكن عاوزه عمال مهره

وصعب تلاقيهم في مصر بالعدد
 و يمكن عمل القبب في كل الادوار بس عاوزه مساحات كبيره شويه وارتفاع اكتر يعني الدور الاول ممكن تعمل قبب وتملا بين القبب فوم ابيض واسمنت  علشان يكون خفيف علي الاساسات
 لكن دي طريقه عاوزه عمال مهره في عمل القبب 

 وكمان اي خطا فيها باهظ ويقع السقف
كمان اهم شيء توفر النجاره المسلحه في الاساسات

 بالصب في الحفر مباشره ودي توفر حوالي 500-400ج

 

دي صوره حوائط داخليه بتتعمل من الواح الجبس علي شاسيه

 ودي خفيفه ممكن توفر في الحديد والخرسانه

علشان الحمل حيقل لو اتعملت الحوائط الجبسيه دي

  ودي موجوده في مصر

 لو سعرها اقل من 50ج اللوح 3م*1.2م

يعني المتر  لو اتكلف 20ج حيبقي ارخص من مباني الطوب والمحاره

والالواح دي بتدهن مباشره بعد معجنه مسامير التثبيت ولحامات الفواصل

هنا في ايطاليا غالبيه الحوائط بتتعمل كده

لو تصميم البيت اتعمل حساب الاحمال للحوائط الداخليه كرتون جبسون
  بتقل الاحمال شويه وبالتالي يقل الحديد والخرسانه و التكلفة

لو قدرت تعدلوا في التصميم  للخرسانه

علي اساس الحوائط الجبسيه الخفيفه دي توفر %10

الرسم  الهندسى و التصميمات عاوزين نعرفها

علشان نلحق نعدل في كميات الخرسانه

 لو حنعمل الحوائط الجبسيه الخفيفه
 

حوائط فل مكسيه

بلكات ديكور خارجى

من م/ كرم منصــور

ايـطاليــــا

أضف الى مفضلتك

• 
• 
• 
• 
• 
• 
• 
• 
• 
• 
• 

ـــــــــــــــــــــــــــــــــــــــــــــــــــــــــ
التصنيفات : مواد البناء | السمات:مواد البناء
أرسل الإدراج  |   دوّن الإدراج  

1. مجهول قال:
   مارس 28th, 2008 at 28 مارس 2008 11:08 ص

   مؤتمر البناء منخفض التكاليف منتصف أبريل… وتطبيق توصياته علي المشروع القومي للإسكان
   
   حددت وزارة الإسكان ممثلة في مركز بحوث البناء والإسكان منتصف أبريل المقبل لعقد المؤتمر العلمي الخاص بالبناء منخفض التكاليف ويعقد تحت عنوان «التحديات الاقتصادية للمسكن منخفض التكاليف» بحضور الاستشاريين والمتخصصين في مجال التشييد، ليكون الخطوة الأولي نحو تنفيذ مشروعات الوزارة خصوصا المشروع القومي ببدائل للحديد والأسمنت بعد الارتفاع المستمر في أسعارهما.
   
   وقال الدكتور مصطفي الدمرداش، رئيس مركز بحوث البناء لـ «المصري اليوم»: قرار عقد المؤتمر جاء في ظل الارتفاع المستمر في أسعار مواد البناء، خصوصا الحديد والأسمنت وسيطرح المؤتمر عدة بدائل للبناء منخفض التكاليف والمتناسب مع طبيعة المناخ في مصر.
   
   وأضاف سنطرح أيضا النظم الإنشائية لكل مدينة علي مستوي مصر، فطبيعة البناء تختلف عندنا سواء في الشمال أو الجنوب، مع اختيار مواد البناء التي تناسب طبيعة هذه المدن، مؤكداً أن مصر بها جميع أنواع مواد البناء لإسكان منخفض التكاليف.
   
   يذكر أن المهندس أحمد المغربي، وزير الإسكان، دعا منذ فترة للبناء بمواد بديلة منخفضة التكاليف عن الحديد والأسمنت بعد الارتفاع الهائل في أسعارهما، من بينها الحوائط الحاملة والتي تم إنشاء معظم القاهرة القديمة بها، والأخشاب، علي أن يتم تطبيق توصيات المؤتمر علي المشروع القومي مباشرة في محاولة لضبط سوق الحديد والأسمنت، مع عقد لقاءات مع المستثمرين لتطبيق النظم المتفق عليها.
   
   من المصرى اليوم

2. جمعية ابنى بيتك قال:
   مارس 28th, 2008 at 28 مارس 2008 3:07 م

   السادة : منتفعي ابني بيتك عرض سعر لمشروع ابني بيتك.
   
   تحيه طيبه وبعد ،،،
   
   نشكر سيادتكم على الثقة التي منحتمونا إياها وبناءا علي
   
   ال E-mail المرسل من سيادتكم بتاريخ 22/3 وطلب عرض سعر لمشروع عالية بخصوص
   
   بلوكات أسمنتية مفرغة ديكورية ملساء السطح faire face) (حيث لا يحتاج لمحارة خارجيه تتشرف شركة ايزوبلوك أن تقدم العرض التالي:-
   
   المواصفة المصرية رقم 1292/1991.
   
   بلوك إسمنتي مفرغ
   
   N-10 العرض
   
   40 سمك
   
   20 الوزن
   
   10 السعر جنية /1000
   
   ملاحظات:
   
   - يتم التعتيق في الموقع بمعرفة العميل.
   
   - هذه الأسعار تخضع لآي تغيير في القوانين والقرارات السيادية للمواد الأولية وأسعار النقل.
   
   - يتم التوريد علي طبالي خشب ويترك رهن 75 جنية / للطبلية ويتم رد الرهن عند عودة الطبالي.
   
   -يمكن تثبيت الأسعار للكميات المدفوع ثمنها بالكامل .
   
   -طريقة الدفع :
   
   100% مقدما للكميات المطلوبة مع إصدار آمر التوريد .
   
   -طريقة التوريد:
   
   - يتم بدء التوريد بعد 10 أيام من إصدار أمر التوريد السداد.
   
   -صلاحية العرض:
   
   هذا العرض صالح حتي أسبوع من تاريخه .
   
   نأمل أن يحوز عرضنا هذا قبول سيادتكم .
   
   وتفضلوا بقبول فائق الاحترام؛؛؛؛
   
   شركة ايزوبلوك السويسرية
   
   المهندس / عوني غطاس
   
   مدير المصنع
   
   3125596/012
   
   http://www.isoblockswiss.bizland.com/id2.html
   
   ده موقع الشركه فيه صور البلوك

3. جمعية ابنى بيتك قال:
   أبريل 17th, 2008 at 17 أبريل 2008 12:31 ص

   المغربي يطلب في ندوة التحديات‏:‏
   
   تطبيق أفكار جديدة لتخفيض تكاليف البناء وتوفير‏4‏ مليارات جنيه سنويا
   
   أكد المهندس أحمد المغربي وزير الاسكان والمرافق والتنمية العمرانية ضرورة تطبيق أفكار جديدة لطرق البناء لإيجاد حلول علمية تسهم في خفض تكلفة البناء في مصر‏,‏ مشيرا الي أنه يتم بناء نحو‏300‏ ألف وحدة سنويا علي مساحة‏40‏ مليون متر مربع‏,‏ وفي حالة تخفيض‏100‏ جنيه في المتر من تكلفة البناء اي بنسبة نحو‏10%‏ سيتم توفير نحو‏4‏ مليارات جنيه سنويا يمكن استخدامها في مشروعات البنية الأساسية وكذلك في الإسكان‏,‏ حيث يمكننا بناء مليون وحدة سكنية بدلا من‏500‏ ألف وحدة خلال‏6‏ سنوات‏.‏

   جاء ذلك خلال افتتاحه ندوة التحديات الاقتصادية لتخفيض تكاليف البناء بالمركز القومي لبحوث الإسكان والبناء لايجاد حلول عملية انشائية ومعمارية ونظم بناء حديثة ومواد بناء تسهم في خفض تكلفة البناء‏.‏

   وأكد المغربي أمام نخبة متميزة من العلماء والمتخصصين ضرورة أن يضع الجميع أمام أعينهم هدفا محددا هو التوصل في نهاية الندوة الي وسائل محددة في البناء توفر لمصر نحو‏4‏ مليارات جنيه سنويا ولتكن الندوة تحت شعار تعالوا نوفر لمصر‏4‏ مليارات جنيه سنويا‏.‏

   وقال إن الوزارة كمسئولة عن قطاع الإسكان‏,‏ تؤكد أن دورها ليس فقط منظما لهذا القطاع ولكنها ميسرة وممكن للمواطنين بمختلف رغباتهم وقدراتهم الاقتصادية الحصول علي السكن المناسب الذي تتوافر فيه شروط السكن اللائق‏,‏ فنحن نهدف الي البناء بأقل تكلفة وجودة عالية‏.‏

   وترحب الوزارة بتجارب أنظمة وأساليب البناء المستحدثة وغير التقليدية والمواد الجديدة المستحدثة والمركبة لاستخدامها في مشروعات الاسكان‏.‏

   ومن جانبه أكد الدكتور مصطفي الدمرداش رئيس المركز القومي لبحوث الإسكان والبناء أن الزيادة في أسعار خامات مواد البناء خاصة الأسمنت والحديد أدت بالباحثين والخبراء الي التفكير في ايجاد طرق بديلة في الإنشاء والبناء‏,‏ ففكر البعض بالرجوع الي استخدام الحوائط الحاملة ومواد طبيعية أو صناعية جديدة بهدف تقليل الاعتماد علي الأسمنت والحديد‏.‏
   
   وأوضح أنه من الضروري تعاون القطاعات‏:‏ الخاص والأهلي والحكومي‏,‏ في صناعة التشييد والبناء لوضع منظومة متكاملة تمكن القطاعين الأهلي والخاص من المشاركة بفاعلية في تلبية الطلب علي الاسكان‏,‏ مما يستلزم اعادة النظر في القوانين والتشريعات المعمول بها حاليا للتمويل والإيجار والبيع‏.‏

اكتب تعليــقك

يجب ان تسجل الدخول لكي تتمكن من التعليق

معا نتكاتف من أجل مساعدة بعضنا البعض فى مشروع أبنى بيتك