1. جمعية ابنى بيتك قال:
   مايو 31st, 2008 at 31 مايو 2008 2:57 م

   السادة المسئولين عن الجمعية
   
   اخوتي المستفيدين جمعيا
   
   اشكركم جميعا علي مجهودكم الذي يحسد عليه
   
   انا مراجع مالي بالبريد المصري
   
   اولا : مفيش حد كتتير يعرف عن الجمعية حاجة نهائي . مفيش دعاية للجمعية
   
   مع ان الجميعة بإذن الله سيكون ليها دور حيوي جدا في تنفيذ مطالبنا .
   
   ثانيا: الجمعية محتاجة لو علي الاقل اي مساهمات مادية او عينية لإنجاح
   
   المشروع وهي لوحدها مش هتقدر علي دا
   
   انا باقترح اننا نعمل حساب جاري ذو عائد يومي في البريد دا حساب فايدته
   
   يومية وبيدأ من 10 جنيه ممكن الجميعة تعمله باسمها ويكون ليها رقم حساب
   
   خاص بيها يمكنها من الايداع علي مستوي الجمهورية (3600 مكتب بريد منتشر
   
   في الجمهورية ) وكمان بفايدة يومية يعني المبلغ مش هيكون ثابت بل بالعكس
   
   هياخد ارباح
   
   وكمان ممكن نعمل حاجة اسمها بريد دعائي للجمعية عشان ال92 الف مستفيد
   
   يقدرو يعرفوا كيفية الوصول الي الجمعية
   
   ولو حطينا ايدينا في ايد بعض هنحقق كل احلامنا
   
   وانا مستعد اني اساعدكم في فتح الحساب ويكون ليه رقم علي الاقل هيكون
   
   احسن من البنك اللي فروعه مش منتشرة زي البريد
   
   واخيرا لو جمعيتنا وقفت علي رجليها هنحقق كل امالنا وطموحتنا

   اخوكم
   
   ريمون فضل الصعيدي
   
   من مستفيدي 6 اكتوبر
   
   مراجع مالي وإداري بالبريد المصري
   
   مكتب بريد الدواوين
   
   0182518270

2. مجهول قال:
   مايو 31st, 2008 at 31 مايو 2008 2:58 م

   وحدات سكنية للمتعثرين بدلا من أراضي ابني بيتك
   
   تبحث وزارة الاسكان حاليا تقديم بدائل للمستفيدين من مشروع ‘ابني بيتك’ في حالة تعثرهم في تنفيذ البناء علي اراضيهم طبقا للجدول الزمني المحدد لهم.
   
   وصرح المهندس محمد الدمرداش مساعد اول وزير الاسكان ان الدراسة تتضمن امكانية السماح للمستفيدين بطلب استبدال الارض التي حصلوا عليها بوحدة سكنية في مشروع الاسكان القومي بمقدم خمسة آلاف جنيه، وفي نفس المدينة علي ان يخصم ما تم سداده لثمن الارض من قيمة المقدم.
   
   وقال انه في حالة تقدم مائة شخص بطلبات الاستبدال بمدينة واحدة يمكن تنفيذ تقسيم جديد في موقع مشروع ابني بيتك يضم عمارات سكنية لطالبي الاستبدال، حيث ان كل عشرة قطع اراضي في مشروع ابني بيتك يمكن ان يقام عليها 60 وحدة سكنية.
   
   ونفي الدمرداش ان يعاد طرح المزيد من الاراضي في مشروع ابني بيتك قائلا ان المشروع اصبح مغلقا ولن تقبل به طلبات جديدة

3. مجهول قال:
   يونيو 1st, 2008 at 1 يونيو 2008 12:57 م

   السادة أعضاء جمعية إبنى بيتك
   
   أنا شاب متزوج وعايش فى الإسكندرية .. بأفكر اشترى قطعة أرض . وأبننى عليها من نفسر الطراز والفكرة اللى انتوا ماشيين عليها … ياريت تقبلونى عضو معاكوا …. ونشجع بعض ونعمل خطوة بجد لمستقبل أفضل لجلينا كلنا
   
   محمد سعيد
   
   مسئول مخازن
   
   مصنع مفروشات فى برج العرب

4. مجهول قال:
   يوليو 19th, 2008 at 19 يوليو 2008 8:21 م

   نحن شباب ابنى بيتك - اسوان - غالبية الشباب ليست لهم خبرة فى البناء او مصاريفه وتتلخص مشاكله فى - مطلوب منه مصاريف الجسه ثم تقرير للجسه مع اعتماده من نقابة المهندسين - مهندس مشرف ومعتمد من نقابة المهندسين ايضا بمصاريف اخرى - ثم ياتى دور جهاز الاسكان للمدينة يطلب رسوم الرخصة - مطلوب ايضا دفع رسوم للتأمينات الاجتماعية - ثم ياتى دور الاستعانة بمقاول للبناء - حسبت المصاريف دون المقاول ستصل الى الفين من الجنيهات - ثم ياتى دور تعديل رسم البناء للحوائط الحاملة بواسطة مهندس معتمد من النقابة وله رسومه - ثم نذهب للارض فلا نجد ماء للشرب أو البناء - هل هذا مشروع قومى يخدم شباب بلدى - نحن نريد حلول ومعاونة صادقة من المسؤلين فنحن نهدد دائما بمواعيد البناء حسب برنامج لمدة عام

اكتب تعليــقك

يجب ان تسجل الدخول لكي تتمكن من التعليق

معا نتكاتف من أجل مساعدة بعضنا البعض فى مشروع أبنى بيتك